Ginbawian sang kabuhi ang isa ka bisita sa birthday party matapos nga nagtambag ini sa asawa.
Natabo ini sa Brgy. Dela Paz, Antipolo City, Rizal.
Ang biktima amo si alyas “Giovanni” sang Brgy. Dela Paz, Antipolo City, Rizal samtang ang suspek amo si alyas “Romy”, 50, construction worker, residente man sang amo nga barangay.
Base sa imbestigasyon, magkaupod ang biktima kag ang suspek nga nagainom-inom sa birthday party.
May nagluntad nga baisay sa tunga sang suspek kag kaupod sini nga si alyas Niño”.
Sang nagtambag si Giovanni, siya ang ginpaukpan sang suspek kag ginbuno sang makapila ka beses sa iya lawas.
Gindala sa ospital ang biktima apang napatay gid.
Naaresto naman ang suspek.
