Biyahe sang mga sakayan dagat sa Panay ginkanselar, biyahe padulong sa Guimaras normal – PCG

ILOILO CITY – Ginkanselar na ang biyahe sang mga sakayan pandagat sa isla sang Panay.
Ini matapos ginpaidalom sa signal no 1. sang Pagasa ang Iloilo, Capiz, Aklan kag Antique bangud sang bagyo Crising.
Ginpahayag sa Bombo Radyo ni Philippine Coast Guard Iloilo station commander Lt. Cmdr. Ramil Palabrica nga kanselado na ang biyahe sang mga sakayan dagat sa apektado nga mga probinsiya.
Apang gin-athag nga padayon gihapon ang biyahe sang mga sakayan dagat nga padulong sa Guimaras.
Sa karon indi pa mabatyagan ang epekto sang bagyo sa probinsiya sa Iloilo.
Wala sang ulan apang nagapabilin nga magal-om ang panahon.