ILOILO CITY – Indi magnubo sa 70 ka banyera sang isda, manok kag pasayan ang wala gilayon na transport sa probinsya sang Guimaras matapos nga ginkasela ang biyahe sang pump boat kaina sang aga bangud sa malain nga tiyempo.
Sa interview sang Bombo Radyo kay Sibunag, Guimaras Vice Mayor Mervin Infante, iya ginpahayag nga nagalab-ot sa P400,000 ang kapital sa pagbakal sang isda, dressed chicken kag pasayan nga ibaligya pa kun tani sa Guimaras.
Suno kay Vice Mayor Infante, may yara sang memorandum ang Philippine Coast Guard nga nagadumili sa pagbiyahe sang tanan nga pump boat sa tion nga mag-ulan rason nga atrasado man ang delivery sang mga produkto.
Ginpahayag ni Vice Mayor Infante nga ila kun tani nga ihingagaw sa pagtransport ang mga nasambit nga produkto paagi sa fast craft apang wala sila sang salakyan nga kargahan padulong sa Fort San Pedro.
Magluwas diri, madamu man sang mga pasahero ang nagdagsa Fort San Pedro agud nga makasakay sa fast craft.
