Ginalauman sang Bureau of Jail Management and Penology (BJMP) Region 6 ang paguwa sang resulta sang random drug test sa mga personnel sang BJMP-Dumangas nga naulamid sa pagkumpiskar P2,380,000 nga iligal nga druga sa Barangay Balantang Jaro, Iloilo City.
Sa interview sang Bombo Radyo kay Atty. Juniven Rey Umadhay, spokesperson sang Bureau of Jail Management and Penology Region 6, iya ginpahayag nga ang tikang ang isa man ka pagpakita nga seryoso ang talatapan sa pagpatuman sang imbestigasyon.
Suno kay Umadhay, isa man ini ka palaagyan agud nga malikaw ang mga personnel sa indi maayo nga aktwasyon.
Ginpahayag man sini nga kon matukiban nga may kaangtanan gidman ang jail personnel sa iligal nga druga, mahimo ini nga ma-dismiss sa serbisyo.
Atubangon man sang amo nga personnel ang administratibo nga kaso kon ini ang magpositibo sang random drug testing.
Una na nga nagpatuman sang greyhound operation ang talatapan sa BJMP-Dumangas kon sa diin, nakuha ang improvised nga kutsilyo kag wala man sang iban pa nga iligal nga kontrabando nga natukiban.
