ILOILO CITY – Magapadala sang medical doctor, dentist kag personnel ang Bureau of Jail Management and Penology (BJMP) sa Bombo Medico 2019 nga patigayunon sa Hulyo 14 sa Iloilo Science and Technology University (ISATU).
Sa interview sang Bombo Radyo kay Jail Supt. Mary Chanette Espartero, district jail warden sang BJMP- Iloilo City Male Dormitory, iya ginpahayag nga full support ang BJMP sa Bombo Medico 2019 sa diin masami na nga nagapakigbahin ang ahensya sa mga civic project sang Bombo Radyo Philippines.
Suno kay Espartero, magluwas sa pagbulig agud nga magbag-o ang mga Persons Deprived of Liberty ukon preso, ila man nga ginatib-ong ang medical health.
Ginpahayag ni Espartero nga mabudlay sa mga preso nga makapakonsulta sa mga hospital bangud sa restrictions rason nga sila mismo sa BJMP ang may yara sang naka-duty 24/7 nga mga nurse.
Magluwas sa mga preso, ginpahayag man sang natungdan nga luyag man nila nga makabulig sa mga kubos pinaagi sa Bombo Medico.
Yari ang pagpahayag sang commitment sang BJMP sa pagpakigbahin sa Bombo Medico 2019.
