‘No comment’ ang Bureau of Jail Management and Penology (BJMP) – Dumangas kaangot sa nangin pahayag sang duha ka mga subject nga nadakpan sa buy-bust operation sa Barangay Balantang, Jaro, Iloilo City.
Ang mga naaresto amo sanday Hazel Losare, 36-anyos, single kag residente sang 7th St., Lawaan Village, Brgy. Balantang, Jaro, Iloilo City kag Jose Ariel Brito, 41-anyos, kasado, minibus driver, kag residente sang Brgy. Palaypay, Anilao, Iloilo.
Sa interview sang Bombo Radyo kay Police Captain Ryan Christ Inot, head sang Iloilo City Drug Enforcement Unit (ICDEU), iya ginpahayag nga padayon nga gina-verify ang nangin statement sang duha ka mga subject matapos ini sila nadakpan.
Suno kay Inot, on going ang coordination sang Iloilo City Drug Enforcement Unit sa nasambit nga talatapan kag nagahulat na lang sila sang reply sa kon ano ka matuod nga katapo nila ang supplier sang iligal nga druga.
Gintuad man sang natungdan nga mahimo may relasyon ang duha ka subject apisar nga kasado na si Brito.
Una na nga natukiban nga lunsay naga-operate ang duha sa syudad kag probinsya sang Iloilo.
Nahibaluan nga natigayon nga nakuha sa posisyon sang mga subject ang 350 grams sang suspected shabu nga may standard drug price nga P2,380,000.
