ILOILO CITY – Magasaulog sang ika-28 nga anibersaryo ang Bureau of Jail Management and Penology (BJMP).
Sa interview sang Bombo Radyo kay Jail Supt. Mary Chanette Espartero, district jail warden sang BJMP- Iloilo City Male Dormitory, iya ginpahayag nga may yara sang nakalinya nga mga aktibidad may kaangtanan week-long anniversary celebration.
Ang nasambit nga aktibidad ang maga-umpisa sa Agosto 3 tubtub Agosto 8 kag may yara sang tema nga “BJMP @28: Patuloy na itinataguyod ang kahusayan at malasakit sa pamamahala sa piitan”.
Sa Agosto 3, may yara sang patigayunon nga opening ceremony kag patigayunon man ang 1st Invitation Cross Country Mountain Bike Racing Activity nga patigayunon 7:00 sa aga sa Jordan, Guimaras.
May yara sang registration para sa mga kwalipikado nga magapakigbahin sa aktibidad kag ang matipon nga pondo ang igahatag sa mga kabataan nga yara sa SOS Children’s Village.
Magluwas diri, may patigayunon man nga coast clean-up, Mangrove planting kag gift giving program.
