Nagahulat na lang sang release order ang Bureau of Jail Management and Penology (BJMP) sa mangin desisyon sang korte may kaangtanan sa pag-plead guilty sang 17 ka mga Chinese National nga may mga kaso nga Cybercrime kag Qualified Trafficking in person.
Sa interview sang Bombo Radyo kay Jail Senior Inspector Dever Fantilaga, warden sang Iloilo District Jail- Male Dormitory nga annex sang Bureau of Jail Management and Penology (BJMP), Pototan, Iloilo, iya ginpahayag nga sa subong, wala sang may nabaton nga release order ang ila nga talatapan.
Suno kay Fantilaga, bangud sa wala paman nila nabaton ang mando, nagapabilin sa gihapon nga indi matumod kon iga-turn-over bala sila sa Bureau of Immigration.
Ginpahayag man sini nga siya ang nagapati nga kinahanglan gid nga i-transfer sa nasambit nga ahensya ang mga Chinese Nationals.
(CHINESE NATIONALS 3)
Gintumod man sang natungdan nga tubtob wala sang desisyon ang korte, ginakonsiderar ang mga foreign nationals nga detention prisoner.
Nahibaluan nga gin-aresto ang mga Chinese Nationals matapos nadiskubrehan nga naga-operate sila sang sex den sa Balantang Jaro, Iloilo City sang Nobyembre 4,2023.
