𝗜𝗟𝗢𝗜𝗟𝗢 𝗖𝗜𝗧𝗬 – Nangin tuigan na nga panata sang Bureau of Jail Management and Penology (BJMP) ang pag-upod sa Dugong Bombo, A Little Pain, A Life to Gain.
Sa interview sang Bombo Radyo kay Jail Chief Inspector Atty. Mark Malhabour, Jail Wail Warden sang Iloilo District Jail Male Dormitory, iya ginpahayag nga subong nga tuig, maga-upod naman sila liwat sa Dugong Bombo nga patigayunon sa Iloilo Science and Technology University sa La Paz, Iloilo City sa Sabado, Nobyembre 16.
Suno kay Malhabour, nagapasalamat man siya sa Bombo Radyo bangud sa paghatag sa ila sang kahigayunan nga magadonar sang dugo.
Ginpahayag sini nga wala gid sila nagpangduha-duha nga mag-upod sa Dugong Bombo bangud ini ang isa ka dako nga pamaagi agud makasugpon sang kabuhi.
