PAMPANGA – Ginpangunahan nanday Don Trollano kag Nino Canaleta ang Blackwater Elite agud lutuson ang NLEX Road Warriors sa nagapadayon nga 2020 PBA Philippine Cup sa AUF Sports Arena sa Angeles City, Pampanga.
Nagtapos ang hampang sa score nga 98-88 kun sa diin lunsay nag score sang 18 points sanday Trollano kag Canaleta para sa Blackwater nga may 2-1 win loss record.
Si Myke Ayonayon ang may 20 points agud pangunahan ang NLEX nga sa subong may 0-3 win loss record.
Sa Alaska Aces naman, sanday Jeron Teng kag Jvee Casio ang nagpanguna paagi sa ila 19 kag 17 points batok sa Magnolia Hotshots Pambansang Manok.
Nagtapos ang hampang sa score nga 87-81 kun sa diin lunsay may 1-2 win loss record ang Alaska kag ang Magnolia.
Daku naman nga kadulaan sa Magnolia si Kevin Racal nga naka-angkon sang injury sa nauna nga hampang.
Si Mark Barroca ang nagpanguna para sa Magnolia paagi sa iya 16 points.
