Ginkumpirma na sang US Senate ang nominee ni President Joe Biden nga si Antony Blinken bilang Secretary of State.
Sa 100 ka mga myembro sang Senado, 78 ang nagsuporta kay Blinken samtang 22 naman ang wala nagpabor nga lunsay mga Republicans.
Si Blinken nagserbe na sadto sa State Department sang tyempo pa ni anay Democratic President Barack Obama sa diin bise presidente si Biden.
Sa iya nangin kumpirmasyon sa Senate Foreign Relations Committee, ngpromisa si Blinken nga mas magabulig ini sa mga kaalayado sang US matapos ang “America First” approach ni anay President Donald Trump sa ila foreign affairs.
Una na nga ginpahayag ni Biden nga iya kaayuhon ang nagguba nga American diplomacy sa pungsod.
