ILOILO – Tuman ka importante ang suplay sang dugo subong nga may coronavirus disease 2019 (COVID-19) pandemic.
Sa interview sang Bombo Radyo kay Romarie Sanchez, donor recruitment officer sang Philippine Red Cross – Iloilo Chapter, iya ginpahayag nga kinahanglan ang dugo indi lamang para sa mga pasyente nga infected sang COVID-19 kundi pati man sa mga biktima sang vehicular accidents, mga manugbata nga iloy, kag mga may balatian kaangay sang dengue hemorrhagic fever.
Para sa mga blood donors, ginpahayag ni Sanchez nga kinahanglan nga may yara sang bastante nga tulog, nakakaon sang maayo, kag nakainom sang tubig.
Dapat man likawan ang pag-inom sang makahulubog nga ilimnon.
Importante man suno kay Sanchez nga wala sang flu-like symptoms kag wala sang exposure sa COVID-19 patient.
