Posible naman nga imbitahan sang Blue Ribbon Committe ang utod ni Senator Alan Peter Cayetano si PTV General Manager Lino Cayetano suno kay si Senador Erwin Tulfo.
Ini agud magserbe si Lino Cayetano bilang resource persons sa padayon nga imbestigasyon parte sa ginapahayag “ghost flood control projects” sa Taguig City.
Suno kay Tulfo, kon ipadayon sang Blue Ribbon Committee (BRC) ang ila paghinun-anon sa isyu, ipatawag nila si Lino Cayetano upod sa iban pa nga mga indibidwal nga may mahimo nga impormasyon may kaangtanan sa proyekto.
Ginpahayag man sang senador nga ang ginapatihan nga anomalya may kaangtanan sa mga proyekto halin 2022 tubtob 2025 kag posible nga iupod sa imbitasyon ang mga may impormasyon nahanungod sa amo nga kaso.
Samtang, ginpanginwala ni Senador Alan Peter Cayetano ang mga alegasyon kag ginpahayag nga nahimo na ang mga nagligad nga imbestigasyon kag wala nakit-an nga bisan ano nga “ghost flood control project” sa Taguig.
Nahibaluan nga sa isa ka Facebook Live broadcast sang Sabado, ginkwestyon man ni Cayetano ang Statements of Assets, Liabilities and Net Worth (SALN) nanday Senador Panfilo Lacson kag Blue Ribbon Committe chairperson Erwin Tulfo.
