Nagapaidalom na sa home quarantine si Iloilo 4th District Board Member Rolando Distura matapos nagpositibo sa COVID-19.
Sa interview sang Bombo Radyo kay Distura, iya ginpahayag nga dungan sila sang iya nga driver nga nagpaidalom sa reverse transcription polymerase chain reaction (RT-PCR) test apang siya lang ang nagpostibo sa virus.
Suno kay Distura, may yara siya sang comorbidities kaangay sang high blood kag asthma.
Wala man nakahibalo ang natungdan kun sa diin niya nakuha ang COVID-19 apang nahangpan man niya nga parte ini sang risgo sa iya kabuhi bilang isa ka public official.
Nagapasalamat si Distura nga fully vaccinated na siya bangud kun indi, posible nga naglala pa ang iya nga sitwasyon.
