ILOILO – Nagtaas ang tingog ni 4th District Iloilo Board Member Dominggo Oso Jr. bangud sa iya pagpati nga gamay lang ang nahatag nga jetmatic pumps sang Iloilo Provincial Government sa iya nasakupan nga distrito.
Sa session sang Sangguniang Panlalawigan, ginpaguwa ni Board Member Oso ang iya hibubun-ot bangud para sa iya, pamulitika ang natabo sa indi patas nga pagpanghatag sang jetmatic pumps.
Nahibaluan nga ang jetmatic pumps ang halin pa sang 2016 kadungan sang pagdeklara sa probinsya sang state of calamity bangud sa El Niño.
Sa data sang Provincial Engineers Office, ang mga nakabaton sang jetmatic pumps sa probinsya amo ang mga masunod;
Sa 1st District sang Iloilo….
Igbaras may 10
Miag-ao – 41
San Joaquin – 20
Tubungan – 30
Sa 2nd District sang Iloilo….
Alimodian – 31
Leganes – 30
New Lucena – 20
San Miguel – 6
Sa 3rd District sang Iloilo….
Badiangan – 33
Bingawan – 15
Cabatuan – 30
Calinog – 45
Lambunao – 46
Pototan – 61
Maasin – 33, pending kag wala pa mahatag sang probinsya bangud sa kapaslawan nga kumpletuhon ang mga requirements.
Sa 4th District sang Iloilo…
Dingle – 15
Dumangas – 41
Sa 5th District sang Iloilo…
San Dionisio – 20
Carles – 30 kag;
Estancia – 30
Kuntani suno kay Oso, insaktuhon sang provincial government ang paghatag sa mga kabanwahanan sa diin kinahanglan nga patas kag indi pagpamulitikahan.
Nagalain man ang buot sang Board Member bangud duha lamang sa iya distrito ang nahatagan sang jetmatic pumps.
