ILOILO CITY – Positibo ang nangin reaksiyon ni Iloilo Fourth District Board Member Rolando Distura sa pagbisita ni Department of Public Works and Highways Secretary Manuel Bonoan sa Ungka flyover.
Sa interview sang Bombo Radyo kay Distura nga amo ang chairman sang Committee on Infrastructure sa Iloilo Sangguiniang Panlalawigan, iya ginpahayag nga kasunod sang pagpadulong sang tiglikom sa Ungka flyover, dako ang posibilidad nga may yara na sang dierction kag solution nga ginalantaw.
Nagpasalamat man ini bangud mismo ang tiglikom ang nagpahayag nga indi anay pagbuksan ang flyover sa publiko bangud nga nakitaan pa ini sang paghulag.
Suno kay Distura, dapat nga unahon ang absolute security sang mga nagalabay sa amo nga flyover.
Samtang, ginpasalamatan man sini ang pagbisita ni Bonoan sa Aganan Flyover.
Suno kay Distura, nagpasar sila sang resolution nga naga-request sa tiglikom nga lantawon personal ang mga ginatukod nga flyover agud nga makita niya ang matuod nga sitwasyon sa lugar.
Importante suno kay Distura nga mapadasig ang pagkaayo sang dalan sa idalom nga amo ang ginalauman nga magapahagan-hagan sang trapiko.
