NEW LUCENA, ILOILO – Ginakabig ni Iloilo 2nd District Board Member kag Mayor Elect Liecel Mondejar- Seville nga nakamuklat na ang mga pumuluyo sang New Lucena, Iloilo.
Ini matapos nga pormal na nga ginproklamar si Seville bilang bag-o nga alkalde sang nasambit nga banwa tal-os kag outgoing Mayor Christian Sorongon.
Sa interview sang Bombo Radyo kay Seville, iya ginpahayag nga nabinag-binag na sang mga pumuluyo kun ano ang kinalain sang iya panghimanwa ipanggid sa kay Mayor Sorongon.
Kadungan sini, ginsabat man ni Seville kun nga-a nagpamalibad siya sa isa ka debate kaupod si Mayor Christian Sorongon.
Sa pagpaathag ni Seville, indi niya luyag nga magdebate kaupod si Sorongon bangud nga luyag niya nga magpatigayon sang mga caucus agud nga direkta nga masabat ang mga pamangkot sang mga pumuluyo.
Bukas man ang natungdan sa ‘reconcilation’ kay Sorongon kag ginpahayag nga iya padayunon ang mga programa kag proyekto nga naumpisahan sang outgoing mayor.
Yari ang pahayag ni Seville matapos nga ginproklamar bilang bag-o nga alkalde sang New Lucena, Iloilo:
Samtang, yari naman ang sabat ni Seville kun bala handa siya sa pagpakig-abyan sa kasumpong nga si Sorongon:
Pamati-an ang kaundan sang mensahe ni Seville sa mga pumuluyo sang New Lucena, Iloilo:
