Pabor si Board Member Rolex T. Suplico sang 5th District sang Iloilo, nga amo man ang chairman sang Committee on Social Welfare sa Sangguniang Panlalawigan, nga untaton ang Pantawid Pamilyang Pilipino Program ukon 4Ps.
Sa interview sang Bombo Radyo kay Suplico, ginpahayag niya nga indi siya kumporme sa konsepto nga ginabayaran ang ginikanan para atipanon ang ila kabataan.
Suno sa iya, wala sang economic advancement nga nagakatabo sa programa.
Ginpahayag niya nga mas maayo pa nga taga-an sang kapital ang mga benepisyaryo, tudluan sang negosyo, kag ibutang sa edukasyon ang pondo ng para sa 4Ps.
Ginpunto niya nga dapat ihatag sa insakto ang pondo kag gamiton ini sa mga programa nga may long-term nga epekto sa kabuhi sang pumuluyo.
