ILOILO CITY – Isa na lang ang active case sang COVID-19 sa Barangay Bo. Obrero, Lapuz, Iloilo City.
Sa interview sang Bombo Radyo kay Punong Barangay Ricardo Diño Jr., iya ginpahayag nga naka-facility quarantine na subong ang ginatumod nga pasyente.
15 ang iya naka-close contact nga nagikan sa tatlo ka pamilya sa amo nga barangay kag sila ang napaidalom naman sa swab test.
Ginpahayag ni Diño nga mga lima na ka adlaw ang nagligad umpisa sang sila ang ginkuhaan sang swab sample kag padayon pa nga ginahulat ang resulta.
Nagalaum si Diño nga padayon gihapon nga sundon sang mga pumuluyo ang mga minimum health protocols batok sa COVID-19 agud mapabilin ini nga record.
Nahibaluan nga 152 ang total confirmed cases nga narekord sa nasambit nga barangay halin sang nag-umpisa ang pandemya kag masami sadto ginapaidalom sa surgical lockdowns bangud sang lapnagon nga local transmission sang virus.
