Nagsungka sa opisina ni Pampanga Vice Governor Dennis “Delta” Pineda ang isa ka board member nga nagapangatubang sang kaso nga estafa nga wala sang piyansa.
Ini amo si Pampanga Board Member Estelito Lim.
Ginturn-over man gilayon ni Pineda si Lim kay Col. Eugene Marcelo, Provincial Police director sang Pampanga.
Nahibaluan nga nagsungka si Lim matapos nag-isyu sang warrant of arrest ang Regional Trial Court (RTC) Branch 44 sang San Fernando City, Pampanga batok sa opisyal.
Siyam ka kaso sang estafa ang ginapangatubang ni Lim kag wala sang piyansa.
Nag-ugat ang kaso sa kapaslawan ni Lim nga ibalik ang kapital kag interes sa mga nag-invest sa iya mga negosyo.
Natukiban man nga indi ini lisensyado sa Security and Exchange Commission (SEC) para mangkolekta sang kwarta para mag-invest sa iya.
