𝗜𝗟𝗢𝗜𝗟𝗢 — Tuyo nga magpasar ni Iloilo 4th District Board Member Domingo Oso, Jr. sang resolusyon sa Sangguniang Panlalawigan agud nga i-revisit ang authorities sang Local Water Utilities sa Iloilo.
Sa interview sang Bombo Radyo kay Board Member Oso, Secretary General sang Provincial Board Members League of the Philippines, iya ginpahayag nga ang ginaplano nga tikang ang may tuyo nga maghatag sang access sang tubig sa mga residente sa kabanwahanan sa probinsya sang Iloilo.
Suno kay Oso, apisar sang moderno nga panahon, may yara sa gihapon nga mga lugar ang nagapabilin nga wala sang access sa potable water ukon tubig-ilimnon.
Ginpahayag man sini nga sa idalom sang presidential decree 178, ang Local Water Utilities ang may otoridad nga magpatuman sang ginaduso nga tikang.
Nakita man sang natungdan nga labing-kinahanglan sang mga residente sang direkta nga tubig-ilimnon bangud man sa mahina nga operasyon sang local water utilities sa probinsya sang Iloilo.
Nahibaluan nga ang nasambit nga layi ang 50-anyos na, apang tubtob subong, wala pa na-amyendaran.
Ginalantaw man ni Oso nga mangin palaagyan ini para sa Kamara, agud nga magpatuman sang imbestigasyon paagi sa lehislatura.
