ILOILO – Nagapati si Iloilo 4th District Board Member Domingo Oso Jr., nga malayo pa agud istoryahan ang politika sa 2025 elections.
Sa interview sang Bombo Radyo kay Oso, iya ginpahayag nga sa subong, wala pa siya sang plano para sa masunod nga eleksyon.
Ini ang kasunod man sang bati-bati nga mapadalagan ini bilang Vice Governor.
Suno kay Oso, sa subong, nakatutok siya sa iya trabaho bilang Board Member sa diin halos 15 ka tuig na ini nga yara sa Sangguniang Panlalawigan.
Ginpahayag sini nga matapos na ang iya termino sa diin nakahanda man ini nga magpahuway anay sa politika.
Wala man ini sang nakita nga malain kun indi man ini mapilian bilang Vice Governor ni Iloilo Governor Arthur Defensor Jr. sa masunod nga eleksyon.
