ILOILO – Ginkalipay ni Iloilo 1st District Board Member kag Chairman sang Committee on Environment and Natural Resources Marcelo Valentine Serag nga madamo sang mga naguluwa nga mga reports nga may yara sang mga iligal quarry nga ginapatigayon sa nagkalain-lain nga bahin sang probinsya sang Iloilo.
Sa interview sang Bombo Radyo kay Board Member Serag, iya ginpahayaga nga nagapakita lamang nga may yara sang pag ulikid ang mga pumuluyo sang probinsya rason nga ila ginapalab-ot ang mga concerns sa otoridad kaangay na lang sang illegal quarry.
Suno kay Serag, iya irekomenda kay Iloilo Gov. Arthur Defensor Jr. nga tsekyaron ang mga lugar ukon quarry sites agud nga malantaw kun bala feasible ini kag kun bala nagakadapat ini nga patigayunan sang quarry.
Luyag man sang board member nga indi paghatagan sang permit ang mga tag-iya sang quarry sa pag renew sang ila lisensya ukon untaton ang quarry samtang padayon ang ginapatigayon nga imbestigasyon.
Pahayag sang natungdan, seryoso siya sa iya adbokasiya sa pag protekta sa dunang manggad.
