Hingyuon ni Iloilo 2nd District Board Member Ramon Sullano sa Department of Transportation (DOTr) kag Land Transportation Office (LTO) pinaagi sa previlege speech nga i-suspend ang pagpatuman sang Moter Vehicle Inspection System (MVIS) kag Child Safety in Motor Vehicles Act.
Sa interview sang Bombo Radyo kay Board Member Sullano, iya ginpahayag nga “untimely”nga i-implementar subong nga tuig ang MVIS kag pagbutang sang car seat bangud may pandemya pa nga ginapangatubang ang tawo.
Suno sa iya, tuman ka pigado sang pagpangabuhi subong ilabi na sa bahin sang mga operators kag drivers.
Kuntani pahayag ni Sullano, tun-an anay sang maayo ang duha ka mga layi antes i-implementar kun bala applicable ini sa tanan.
Mas maayo pa gid dugang sang natungdan nga magapatigayon anay sang information drive ang nasambit nga mga ahensya agud nga aware man ang publiko.
