ILOILO- Napun-an sang pagpasalamat ang nangin farewell speech ni 5th District board member Jeneda Salcedo Orendain sa pagtakop sang iya termino sa Sangguniang Panlalawigan.
Sa speech sini, iya ginpahayag ang pagpasalamat sa iya mga nangin mentors nga nagdala sa iya bilang isa ka maayo nga babayi bilang isa ka tagpangalagad sang publiko.
Indi man niya suno kay Orendain malimtan ang utang niya nga kabalaslan sa mga tawo nga nagbulig sa iya.
Samtang sa nangin farewell message sini ginpasalamatan man ni Iloilo 5th district board member Nielo BongBong Tupas si outgoing Iloilo Governor Arthur Defensor Sr. sa tanan nga nabulig sini sa iya.
Suno kay Tupas, apisar lain ang ila partido sang gobernador , apang padayun sa gihapon ang pagbulig sang gobernador sa iya.
Ginpasalamatan man ni Tupas ang mga nangin kaupdanan sini sa Sangguniang Panlalawigan nga naghatag sa iya sang kumpyansa sa diin nabatyagan niya nga welcome kag nangin kumportable siya sa iya nga pagpangalagad sa probinsya sang Iloilo.
Lakip man sa ginpasalamatan niya amo ang mga empleyado sang Iloilo Provincial Capitol.
Pagadal-on naman niya suno kay Tupas ang tanan niya nga natun-an sa Sangguniang Panlalawigan sa iya man pagpangalagad bilang Mayor sa Banwa sang Barotac Viejo.
