ILOILO CITY – Ginatun-an na sang Board of Investments ang panibag-o nga round sang investments nagikan sa Taiwan.
Ginpahayag sang Board of Investments, nga amo ang lead investment promotion agency sang Department of Trade and Industry, nga nagpatigayon ini sang investment briefing sang nagligad nga March 6 para sa isa ka Taiwanese business delegation, ang party sang 10 ka mga kompaniya nga interesado sa pagpadako sang manufacturing, trading kag logistics business.
Dugang pa, ang mga manufacturing firms ang naga-engage sa production sang wide range sang mga produkto nga ginalakipan sang screws, aluminum extrusion products kag steel products.
Suno kay Trade Undersecretary kag Board of Investments Managing Head Ceferino Rodolfo, magluwas sa Taiwan, ginatun-an man nila ang strong interest sang Japan kag South Korea, partikular na sa renewable energy sector.
Ang Taiwan amo ang 10th biggest investment partner sang pungsod nga may total approved investments nga P2.12 billion sa sulod sang nagligad nga duha ka tuig.
