Ginkumpirmar ni Bureau of Customs Chief of Staff Jek Casipit, nga Duha lamang sa dose ka mga luxury cars sang pamilya Discaya ang Nakita sa ginpatigayon nga raid sang BOC subong nga adlaw.
Sa isa ka pahayag ginsiling ni Casipit nga isa lamang ka Toyota Land Cruiser kag isa ka Maserati nakita sa compound sang pamilya Discaya.
Samtang, ang iban pa nga mga salakyan nga nakalista sa warrant ang wala sa property sang mga Discaya.
Apang, gin-ako ni Sarah Discaya nga may yara siya sang 28 ka mga luxury cars sa ila pamilya, dose lamang sa mga ini ang nakabutang sa search warrant sa diin ang mga ini ang wala sang record sa Customs.
Lakip sa mga nakabutang sa warrant ang mga high-end nga salakyan kaangay sang Roll Royce Cullinan, Mercedes-AMG G63, Bentley Bentayga, kag Lincoln Navigator.
Dugang pa ni Casipit, duha ka beses na nga gin-try e-file ang warrant sang Lunes sang Gab-i apang indi sila makasulod, sa diin Martes na sang sila ang ginpasugtan nga makasulod kag maka-inspeksyon.
