𝗠𝗔𝗡𝗜𝗟𝗔 — Nagpanawagan ang Bureau of Customs (BOC) sa mga Overseas Filipino Workers (OFWs) kag sa ila nga pamilya nga i-claim ang 294 ka mga balikbayan boxes nga ginpadala sa Pilipinas sang 2023.
Suno sa Bureau of Customs, gin-abandona ang mga balikbayan boxes sang mga nagpadala matapos nakolekta ang payments halin sa abroad.
Ginpahayag man sang ahensya nga ang mga balikbayan boxes ang nag-abot sa Pilipinas halin sa Kuwait sang Pebrero 12, 2023 kag yara subong sa isa ka warehouse Santa Ana, Manila.
Natigayon naman balik sang Bureau of Customs ang 450 sa tanan nga gin-abandona nga boxes.
Nagpanugyan man ang ahensya sa mga OFW kag pamilya nila nga kun may mga balikbayan boxes nga wala pa na-claim, magpadulong lamang sa website sang Bureau of Customs.
Agud nga ma-claim ang mga balikbayan boxes, kinahanglan magdala sang:
- Passport sang nagpadala (original or photocopy)
- Isa ka valid government-issued ID (original and photocopy)
- Proof of shipping such as invoice or bill of lading (original and photocopy)
Samtang, sa mga ma-claim naman nga “on behalf” sa pamilya sang OFW, magdala sang:
- Notarized authorization letter or special power of attorney
- Valid ID of the representative
