ILOILO CITY- Nalapawan sang Bureau of Customs (BOC) ang monthly target sini sa ikatlo nga sunod-sunod nga bulan matapos nakakolekta sang record high nga P70.73 billion sang Marso.
Suno kay Customs Commissioner Rey Leonardo Guerrero, ini bangud man sa nagataas nga global oil prices sa tunga sang Russia-Ukraine war.
Pahayag ni Guerrero, ini bunga man sang padayon nga commitment kag dedikasyon sa serbisyo sang ila mga empleyado sa pihak sang pandemya.
Base sa data nga gin- release sang ahensya, ginapakita nga ang revenue sang nagligad nga bulan ang 22.6 percent ukon P13.04 billion nga mas mataas sa P57.69 billion nga gin-target para sa Marso.
Suno sa BOC,ang positive revenue collection performance ang resulta sang naga- improve nga volume sang importasyon sa pungsod kag mas ginpabaskog nga collective efforts sang tanan nga collection districts.
