Dakop ang isa ka bodegera kag runner sini sa buy bust operation sa Brgy. Muelle Loney, Iloilo City Proper.
Ini amo sanday Lyndy Plaza ukon si “Inday Lyndy” (HVI), 29, kag Mark Pinos, 34, lunsay residente sang amo nga lugar.
Narekober sa mga ini ang 275 grams sang suspected shabu nga nagabalor sang Php1, 870, 000.00
Sa interview sang Bombo Radyo kay Police Captain Roque Gimeno III, hepe sang Iloilo City Police Station 1, iya ginpahayag nga duha ka semana ang monitoring sa duha antes natigayon ang operasyon.
Suno kay Gimeno, main source sang druga ang isa ka indibidwal sa New Bilibid Prison apang namalibad nga pangalanan ini.
Kaso nga paglapas sang Republic Act 9165 ukon Comprehensive Dangerous Drugs Act of 2002 ang posible ipasaka batok sa mga arestado.
