ILOILO CITY – Kinahanglan nga normal ang Body Mass Index sang isa ka pulis.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office 6, iya ginpahayag nga nagakadapat nga mag balanse ang kataason kag kabug-at sang pulis.
Suno kay Malong, katuyuan sang insakto nga Body Mass Index nga mangin madali para sa pulis nga mag responde sa mga operasyon ukon magdakop sa mga kriminal kag agud man nga makalikaw sa mga balatian.
Kaayuhon naman sang Police Regional Office 6 ang gym facilities sang talatapan agud nga magamit sang mga pulis.
May yara man sang zumba kada Martes kag Huwebes agud nga makabulig sa pagnubo sang bugat sang mga kapulisan.
