Indi lang record high temperatures kag mala nga duta ang dala sang heatwaves sa mga pungsod sa Europa subong nga summer. Sa dalayon nga paghubas sang tubig sa mga suba kaangay sang natabo sa River Po sa Italya, nakit-an ang nag-submerge anay nga bomba sang panahon pa sang World War II.
Mga manugpangisda ang nakatukib sini nga bomba (ginabanta nagabug-at sang 450 kg) sa northern village sang Borgo Virgilio, malapit sa syudad sang Mantua.
Sunod man nga gin-defuse sang military experts ang bomba kag ginpatigayon ang controlled explosion.
Sa pagpatigayon sang disposal operation, gin-evacuate ang ginabanta 3,000 ka mga tawo. Gin-shut down ang airspace kag ginpauntat ang navigation sa waterway amo man ang traffic sa railway line malapit sa amo nga lugar kun diin ginpalupok ang bomba.
Ang River Po amo ang longest river sa Italya. Ini ang ginakuhaan sang one-third sang agricultural production sang Italya kag subong naga-suprer sang worst drought sa sulod sang 70 ka tuig. ##
