Kalabanan sa mga Filipino ang nagabutang gid sang bombay sa ila nga mga linuto.
Magluwas nga nagapanamit ini sang sabor, madamo ini sang health benefits ilabi na kun ini ang kaunon nga hilaw.
Santo sa U.S. Department of Agriculture, ang bombay ang manggaranon sa sodium, potassium, folates, vitamins A, C, E, calcium, magnesium, kag phosphorus.
Ano bala ang mga health benefits sini?
Una, ang pagkaon sang hilaw nga bombay ang makapa-improve sang heart health bangud may ara ini sang flavonoids kag thiosulfinates nga maka-reduce sang bad cholesterol sa imo nga lawas kag maka-likaw sa heart attack.
Ikaduha, makapabaskog man ini sang tul-an bangud ang bombay ang may ara sang calcium.
Ikatatlo, makapa-improve sang sexual health, bangud makabulig ini sa pag-increase sang testosterone level sang lalaki.
Ikaapat, makapasanag man ini sang imo panulukan bangud manggaranon ini sa vitamin e.
Gani mga ka-bombo, ano pa ang ginahulat niyo, magpadulong na sa inyo kusina kag ilakip ang bombay sa inyo pamahaw.
