Subong nga World Radio Day, ginapadayaw sang Bombo Radyo Philippines ang anom ka dekada nga indi matupungan nga performance sa patag sang public service kag broadcasting sa pungsod.
Suno kay Miss Margaret Ruth Florete, President and CEO sang Bombo Radyo Philippines, nagpabilin nga mapag-on ang pagsalig sang publiko sa network bangud nga gintungdan sang Bombo ang matuod-tuod nga papel bilang manugdul-ong sang balita kag impormasyon.
Pahayag niya, padayon ang network sa misyon sini nga magpangalagad, mag-edukar, kag maghatag sang gahum sa komunidad.
Dugang niya, panindugan gihapon sang kumpanya ang ethical broadcasting, public accountability, kag responsible innovation samtang nagapadayon ini bilang go-to media organization.
Nagpalab-ot naman ini sang pagpasalamat sa tanan nga mga ka-Bombo kag ka-Starnation nga maukod nga tagpalamati kag tumalan-aw sang mga programa sang 32 ka mga fully digitalized radio stations sang Bombo Radyo sa bilog nga pungsod.
