ILOILO CITY – Nagpaandam ang isa ka Bombo abogado batuk sa mga scam nga padayon nga nagakatabo subong.
Sa interview sang Bombo Radyo kay Atty. Deo Virgil Tan, Legal for the National Telecommunications Commission (NTC)- Region VI, iya ginpahayag nga may yara sang nagkalain-lain nga sahi sang scam.
May yara sang text scam, phishing, romance and dating fraud kag recruitment scam.
Ang ini nga mga scam suno kay Tan ang nagakuha sang personal data kag gamiton agud mangwarta.
May yara sang pamaagi agud nga indi matuntuhan sini.
Una diri, dapat nga panumdumon sang maayo kun ngaa ginakuha ang personal data kag kung diin kuhaon, hibaluon ang background sang kompaniya ukon personalidad nga nagakuha sang data ukon naga-recruit kag ikatatlo, magpulu-pamangkot sa palibot.
Sa bahin sang NTC suno kay Tan, mahimo gid lamang nga ma-block sang ahensya ang numero sang nagpang-scam kag ang imbestigasyon ang yara na sa kamot sang cybecrime unit sang National Bureau of Investigation (NBI) kag Philippine National Police (PNP).
Pahayag dugang ni Tan, kung ma-obserbaran nga daw kaangay nga imposible ang isa ka bagay, indi gid magpati bangud indi ina matuod.
