ILOILO CITY – Nagserbe naman nga bonding sang mag-asawa ang pagpakigbahin sa Bombo Medico 2019.
Sa interview sang Bombo Radyo kay Jimmy Subong sang Delgado St., Zarraga, Iloilo, iya ginpahayag nga kaupod niya ang iya tiayon sa pagpakigbahin sa Bombo Medico.
Sang iya nahibalu-an sa Bombo Radyo nga may yara sang registration sa mga nagakihanglan sang medical attention, wala niya gin-uyangan ang tion agud nga makaparehistro.
Sa iya bahin suno kay Subong, iya nga ginpagabot ang iya ngipon, ginpa check-up mata kag nagpamasahe man sang iya abaga nga indi mahakyaw samtang ang iya naman nga tiayon ang nagpagabot sang ngipon.
Ginakabig sang natungdan nga daku nga bulig para sa ila nga mag-asawa ang libre nga medical, dental kag optical service nga gintanyag sa Bombo Medico.
