ILOILO– Ginpasidunggan sang Philippine Drug Enforcement Agency Region 6 ang Bombo Radyo Iloilo bangud sa dako nga papel nga ginatungdan sang estasyon sa anti drug campaign efforts sang ahensya.
Sa ginpatigayon nga seremonya kadungan sang 17th founding anniversary sang Philippine Drug Enforcement Agency Western Visayas, ginkilala ang Bombo Radyo Iloilo bangud sa patas nga pagreport kag dalayawon nga presentasyon sa kahanginan kaangot sa mga ginahimo sang ahensya batok sa iligal nga druga sa rehiyon.
Ginpasalamatan man sang ahensiya ang Bombo Radyo Iloilo bangud sa paghatag sang kahigayunan nga mapalab-ot sa komunidad ang misyon kag mandato sang PDEA para sa isa drug-free nga pungsod.
