Na-file na ang resolution agud nga ma-imbestigaran man sang Senate Committee on Public Order and Dangerous Drugs ang kontrobersyal nga war on drugs nga ginpatuman sang nagligad nga administrasyon nga ginapangunahan ni anay Presidente Rodrigo Duterte.
Ang Senate Resolution No. 1217 ang ginduso sang suod man nga kaalyado kag abyan ni Duterte nga si Senator Christopher Lawrence ‘Bong’ Go.
Una na sini nga ginpahayag nga kun may imbestigasyon man sa Senado kaangay sa ginahimo sang quad committee sa Kamara, mas mabukadan kun ano gid ang tinutuyo sang amo nga kampanya kontra sa iligal nga droga.
“Nakita naman ng mga kababayan natin ang naging mabuting dulot ng walang humpay na kampanya noon. Mas ligtas silang umuuwi sa kanilang mga pamilya na hindi nasasaktan o nababastos. Dapat lang na maipagpatuloy ang mga magagandang nagawa noon kung saan ang mga kriminal ang takot at tinutugis, at ang mga inosente ang nabubuhay nang tahimik,” kabahin sang iya nga statement.
“However, several accusations have sparked concerns and raised serious allegations about potential human rights violations and abuse of power,” pahayag pa sini, kag nagdugang nga, “it is imperative to uncover the truth and discern efforts that are meant to utterly discredit the campaign against illegal drugs.”
Ginsiling man ni Go nga ang mayor nga katuyuan sang iya nga resolution amo nga busision ang pag-conduct sang amo nga kampanya para nga makatumod sang posible nga layi agud nga ma-address ang iligal nga droga sa pungsod.
“Our top objective is to examine the conduct of the said campaign in order for us to identify possible legislations to address the drug menace in a more holistic manner,” suno sa iya.
Dugang pa sini, magluwas sa pagpasa sang posible nga proposal agud nga padayunon ang kampanya batok sa droga, gusto man sini nga pabaskugon ang mga mekanismo agud nga malikawan ang paglapas sa layi samtang nga ginalagas ang mga kriminal.
Matandaan nga una na ginpahayag ni Go nga ang mga imbestigasyon sa quad committee amo ang nagabali sang kamatuoran sa anti-drug campaign.
Ginplastar man sini nga kun sa Senado na ang imbestigasyon, mangin patas ini bangud ang tuyo man lang niya amo nga proteksyunan ang kabuhi sang kada Pilipino kag untaton ang kriminalidad kag illegal drugs para sa buwasdamlag sang mga kabataan.
Matandaan nga una na ginbulgar sa quad committee nga may rewards system sa mga pulis nga makapatay sa drug suspect apang ini ang ginpanginwala ni Go.#
