Kaangay sa iya ginhimo sang nagligad nga Comelec-organized debates, indi magtambong si former senator Ferdinand “Bongbong” Marcos Jr. sa katapusan nga presidential panel interview nga iga-organisar sang poll body.
Suno sa kampo ni Marcos, magatutok sila sa iya nga presidential campaign samtang nagahilapit ang Mayo 9. “With less than 2 weeks before the May 9 elections, frontrunner Ferdinand ‘Bongbong’ Marcos Jr. has decided to forego his participation in the Comelec’s presidential panel interview, which was scheduled on May 1, 2022,” suno sa iya spokesman, si Atty. Vic Rodriguez.
Ginpasalamatan man ni Marcos ang Comelec sa imbitasyon, apang dugang sa statement, “He opted, however, to conclude the entire 90-day campaign period with visits to his supporters and compliances with previous commitments for political events, like town hall meetings and political rallies.”
Suno naman sa Comelec, duha pa lang ka kandidato ang nagkumpirma nga magatambong sa presidential interview kag duha man sa vice presidential interview. Wala na ginsapubliko kun sanday sin-o ini nga mga kandidato. ##
