Nag-file man subong nga adlaw sang counter-affidavit si former DPWH Manuel Bonoan kaangot sa reklamo nga plunder batok sa iya sa Department of Justice.
Suno kay DOJ Spokesperson Atty. Polo Martinez, indi lang isa ka proyekto o lugar ang dala sang reklamo nga plunder.
Natungod man ini sa gina-alegar pagkuha sang ill-gotten wealth nga masobra P50 million nga nakuha sini paagi sa nagkalain-lain nga trasaksyon.
Ginkumpirma man ni Bonoan nga may plano ini nga magkadto sa Estados Unidos apang wala pa sini mahibalui kun san-o.
Suno pa kay Bonoan nga ginpasugtan man ini sang Department of Justice
Sa matandaan nga nagbiyahe si Bonoan padulong sa Estados Unidos paagi sa Taiwan sang Nobyembre 2025 agud updan ang iya asawa nga mag-paidalum sa isa ka medical procedure.
Nagbalik ini sa Pilipinas sang Enero 18, 2026.
Nauna na sini ginpanginwala ang alegasyon nga nagbaton ini sang masobra P2 bilyon nga kickback halin sa mga proyekto sang gobyerno.
