ILOILO CITY – Nakadihon na sang timeline ang inter-agency task force para sa rehabilitasyon sang Boracay, matapos ginsuportahan ni Presidente Rodrigo Duterte ang pagpasirado sang isla.
Sa interview sang Bombo Radyo Iloilo, ginpahayag ni Task Force Boracay chairman kag DILG Assistant Secretary Epimaco Densing III nga all systems go na para sa pagkay-o sang Boracay.
Apang kinahanglan anay suno kay Densing nga ipaidalom sa state of calamity ang Boracay antes ipasirado ang isla sa mga turista.
Suno sa opisyal, sa Abril 26, target nila nga ipasirado ang Boracay bangud kinahanglan anay sang isa ka bulan nga notice antes ang total closure.
Ginpanindugan ni Densing nga wala sang turista nga pahanugutan nga makasulod kun ipasirado ang Boracay.