ILOILO CITY – Gin-reactivate na ang mga quarantine control points sa syudad sang Iloilo.
Ini ang kasunod sang ginpagwa nga executive order ni Iloilo City Mayor Jerry Treñas kaangot sa city-wide border control nga nangin epektibo umpisa kahapon nga adlaw, Hulyo 19, kag magalawig tubtub sa Hulyo 31 ukon samtang naka-enhanced community quarantine (ECQ) ang syudad.
Exempted sa border control ang mga tawo nga nagabyahe para sa mga masunod nga katuyuan:
- Trabaho
- Medical Needs
- Access sa government services
- Byahe sang goods kag government services, kag
- COVID-19 vaccination
Exempted man sa border control ang:
- Mga returning overseas Filipino workers, returning residents sang syudad, kag mga Authorized Persons Outside Residence (APOR)
- Mga residente sang probinsya sang Iloilo, kag Mga residente sang probinsya sang Guimaras
Yari naman ang kinahanglan nga i-secure agud nga makasulod sa quarantine control point.
Para sa emergency frontline service personnel, kinahanglan ang:
- Proof of affiliation kag valid professional ID
- Certificate of employment, travel pass ukon certification nga gin-isyu sang employers
- Valid company ukon office ID
Para sa mga APOR kag mga nagatrabaho sa Business Process Outsourcing (BPO), Knowledge Process Outsourcing (KPO), kag export-oriented nga mga negosyo:
Valid company ukon Office ID
- Certificate of employment, travel pass ukon certification nga gin-isyu sang employers
Para sa mga self-employed kag iban pa nga yara sa livelihood sector ukon may negosyo sa syudad ukon probinsya sang Iloilo:
- Travel pass nga gin-isyu sang barangay kag may nakasaad nga purpose, destination, kag petsa
- Valid company ukon Office ID
Para sa mga tawo nga nagapadulong ukon naghalin sa airport:
- kag Confirmed airline tickets
- Valid ID
Para sa mga tawo nga mapabakuna — first dose man ukon second dose sang COVID-19 vaccine, kinahanglan ang:
- Vaccine ticket nga may petsa sang vaccination
- Valid ID
Para sa mga tawo nga magapadulong sa haya ukon sa lubong, ipakita ang:
- Valid ID kag proof kun ano ang imo labot ukon kaangtanan sa napatay
Para sa mga medical/humanitarian/ukon essential nga government services, magdala sang:
- updated nga medical services, proof of appointment sa opisina sang gobyerno
- Valid ID
- Pamatuod kun ano ikaw sa non-government organization
- anuman nga dokumento nga maka-justigy sa katuyuan sang byahe
Para sa mga returning residents kag sa mga residente sang Iloilo Province kag Guimaras, indi pagkalimti ang:
- Certificate of residency nga gin-isyu sang barangay
- Valid ID with address
Kag, para sa mga nagabyahe nga mga returning overseas Filipino workers, kinahanglan ang approval kag ang swab test sa ikaapat nga adlaw sang quarantine.
May gindeploy na nga mga pulis sa 10 ka quarantine control points sa syudad sang Iloilo agud mapat-od nga indi basta-basta nga makasulod ang mga tawo nga higya-higya lang ukon indi man essential ang katuyuan.
Ang quarantine control points ang nahamtang sa:
- Mohon, Arevalo
- Calajunan, Mandurriao
- Tagbak, Jaro
- Ungka, Jaro
- Alegre, Sto. Niño Sur, Arevalo
- Sooc, Arevalo
- Tacas, Jaro
- Bitoon, Jaro
- Hibao-an, Mandurriao, kag
- Lanit, Jaro
Sa interview sang Bombo Radyo kay Pol. Captain Shella Mae Sangrines, spokesperson sang Iloilo City Police Office, iya ginpahayag nga ginhingagaw man sa paghanda ang kinahanglanon sang mga pulis kahapon bangud hapon na sang ginpapanaug ang executive order ni Mayor Jerry Treñas.
