Ipatuman na ang istrikto nga pagbantay sa quarantine control points sa probinsya sang Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga nagpagwa na siya sang pagsulundan kaangot sa restrictions sang inbound travel sang mga indi residente sang probinsya.
Ini ang magalawig tubtob sa Hulyo 31 samtang naka-enhanced community quarantine (ECQ) ang Iloilo Province.
Suno kay Defensor, epektibo ini nga border control para sa mga residente sang iban nga mga probinsya sa Western Visayas nga lain ang quarantine classification.
Yari ang mga tawo nga ginapahanugutan nga makasulod sa border control sang Probinsya:
- Authorized Persons Outside their Residences (APORs);
- Health kag emergency frontline services personnel;
- Government officials kag government frontline personnel;
- Duly authorized humanitarian assistance actors (HAAs);
- Mga indibidwal nga nagabyahe para sa medical ukon humanitarian reasons, ilabi na ang nagatransport sang medical supplies kag laboratory specimens related sa COVID-19, kag iban pa nga relief humanitarian assistance;
- Mga indibidwal nga nagapadulong kag nagikan sa airport;
- Mga indibidwal nga may trabaho ukon negosyo nga may pahanugot sa zone of destinations, ukon aktibidad nga may pahanugot sang IATF, lakip na ang magapauli nga residente sang probinsya;
- Public utility vehicle operators;
- Returning Residents sang Probinsya;
- Overseas Filipino Workers (OFWs); kag
- Residente sang Iloilo City kag Guimaras Province
Yari naman ang kinahanglan nga i-secure agud nga makasulod sa quarantine control points.
Para sa mga residente sang probinsya sang Iloilo nga naghalin sa Aklan, Capiz, Antique, Negros Occidental kag Bacolod City, kinahanglan ang:
- valid government ID nga nagapakita sang proof of residence;
- Notice of coordination (NOC) sa City/Municipality sang destination; kag
- negative RT-PCR test result nga gin-isyu antes ang (72) hours sa pagbyahe padulong sa probinsya
Para sa mga returning residents, kinahanglan ang:
- valid government issued ID nga nagapakita sang proof of residence kaangay sang:
- Voter’s ID Card nga gin-isyu sang Commission on Elections (COMELEC);
- Philippine Passport;
- Unified Multi-Purpose ID (UMID) Card;
- Postal ID Card;
- Tax Identification Number (TIN) Card;
- IATF IDs nga gin-isyu sang regulatory agencies nga may
jurisdiction sang permitted establishments ukon persons; - Valid IDs kag iban pa nga pertinent documentation nga gin-isyu sang
accredited organizations ukon mga establisyemento; - Any government issued ID/Certificate nga nagapakita sang proof of
residence; kag - Notice of coordination (NOC) nga gin-isyu sang City/Municipality
Para sa mga APORs kag Returning Residents nga nagapadulong ukon naghalin sa airport:
- government issued IDs ;
- airline tickets; kag
- iban pa nga travel requirements/documents
