ILOILO CITY – May yara sang gina-uyatan nga dukomento ang barangay council sang Don Esteban, Lapuz, Iloilo City may kaangtanan sa boundary issue sa tunga sang Brgy Sinikway sa nasambit man nga distrito.
Sa interview sang Bombo Radyo kay Barangay Kagawad Elfren Cenayo, iya ginpahayag nga may resolusyon na halin sa Sangguniang Panglungsod kun sa diin nakasaad ang boundary sang duha ka barangay.
Suno kay Cenayo, kun basehan ang maragtas sang lugar, mas nauna nga nangin barangay ang Don Esteban ipaanggid sa Sinikway.
Ginpahayag ni Cenayo nga natukiban ang tuhoy sa boundary issue sang nagpadala sang tax mapping ang City Assessor’s Office sa diin iya ini nga gin fllow-up tubtub nga wala napadayon bangud sa pila ka sirkumstansya.
Sa subong suno sa natungdan, may yara sang resolusyon ang Sangguniang Panglungsod sa diin nakasaad nga ang boundary sang Don Esteban ang yara sa porsyon sang Block 4, 7-10, bug-os nga Block 11 kag portion sang Block 12.
Gin-athag sang barangay kagawad nga wala sang malain nga katuyu-an sa paghibalo sang boundary bangud nga ang duta ang pahamtangan sang proyekto.
