Nagdaog ang former four-division world champion kag longest-reigning boxing titleholder sang Pilipinas nga si Donnie “Ahas” Nietes sa iya pagbalik sa ring sa labing-una nga tion sa sulod sang halos tatlo ka tuig.
Ginlutos sang 42-anyos nga boksidor ang kaangay man nga Pinoy fighter nga si Miller Alapormina, 27, sa six-round bantamweight clash sa Elorde Sports Center sa Parañaque City.
Nagtakop ang hampang sa unanimous decision sa skor nga lunsay 59-55 pabor sa former champion. Nagsaka na ang professional boxing record ni Nietes sa 44-2-6 nga may 23 knockouts.
Katapusan nga nakahampang si Nietes sang 2022 kun sa diin nalutos ini via unanimous decision sa world title rematch batok sa Japanese rival sini nga si Kazuto Ioka.
Antes sini, ginakilala man si Nietes nga isa sa most decorated Filipino boxers nga nakauyat sang WBO minimumweight title halin sang 2007 tubtub sang 2011 antes nakuha ang world titles sa flyweight kag super flyweight divisions.
