Maga-apply si Department of Justice (DOJ) Secretary Jesus Crispin “Boying” Remulla sa posisyon sang Ombudsman.
Ginkumpirma ini sang tiglikom samtang nagahilapit na ang pagretiro ni Ombudsman Samuel Martires.
Isa ang Ombudsman sa primary anti-corruption bodies sang gobyerno.
Gintukod ini sa idalom sang 1987 Constitution agud matapna ang kurapsyon sa gobyerno. May awtoridad ini nga magpasaka sang kaso sa Sandiganbayan batok sa ma-anomaliya nga high-ranking officials.
Apisar nga isa ini ka independent body, ang applicants sa Ombudsman ang nagapasa sang ila nga aplikasyon sa Judicial and Bar Council (JBC) nga kaangay sa proseso sa high-ranking members sang judiciary.
Kun madala si Remulla sa shortlist kag pilion siya ni President Ferdinand Marcos Jr., magaserbe siya tubtub sa 2032 ukon tubtub sa ka-tunga sang termino sang masunod nga presidente sang Pilipinas.
Si Martires nga appointee ni anay Presidente Rodrigo Duterte sang 2018 ang natalana nga mag-retiro gikan sa serbisyo sa Hulyo 27, 2025.
