Nagpasaka sang reklamo sa Department of Labor and Employment (DOLE) ang mga empleyado sang Business Process Outsourcing (BPO) companies sa Cebu.
Suno sa BPO Industry Employees Network (BIEN-Cebu), ginlapas sang mga kompaniya ang Occupational Safety and Health Standards matapos sila nga ginpilit nga magbalik sa ubra bisan pa nga bag-o lang nagtay-og ang magnitude 6.9 nga linog sang Martes.
May mga empleyado man nga gindagdagan sang sanctions matapos nga ginpili nila ang ila safety kag sang ila nga pamilya.
Ginpakamalaot sang grupo ang amo nga “business-as-usual” approach sang BPO companies.
Kaangot diri, ginpanawagan naman ni Akbayan Party-list Rep. Perci Cendaña sa Department of Labor and Employment (DOLE) nga imbestigaran ang insidente kag dagdagan sang sanction ang ginareklamo nga mga kompaniya.
 ang mga empleyado sang BPO companies sa Cebu.){kind=link}