POLAND – Nakuha sang pambato sang Pilipinas nga si Brandon Esperitu ang 2nd runner up title sa bag-o lang natapos nga Mr. Suprational 2024 pageant nga ginpatigayon sa Poland.
Ang 29 anyos nga si Brandon ang nabun-ag sa U.S. island territory nga Guam, apang temporaryo na subong nga nagapuyo sa Metro Manila.
Sa katapusan sang event, ginpasa naman ni Iván Álvarez Guedes sang Spain ang iya korona kay Fezile Mkhize sang South Africa bilang iya successor.
Naghimo naman sang maragtas ang competition matapos nga isa ka delegado sang South Africa ang nagdaog sa Mister Supranational pageant, sa diin sila ang pinakauna nga African country kag first black winner nga nakakuha sang titulo.
