ILOILO CITY – Ginmultahan ang Brazilian football star nga si Neymar Jr. matapos napamatud-an sang otoridad nga ang iya beach house ang naglapas sa violated environmental rules.
Si Neymar ang ginmultahan sang 16 million Brazilian reais ukon P58.7 million bangud sa gina-alegar indi legal nga pagtukod sang artificial lake sa iya property.
Ang mansion nga nagabalor sang minilyon ang makita sa coastal town sang Mangaratiba sa south coast sang Rio de Janeiro state sa Brazil.
Nakit-an sang otoridad ang pila sa environmental violations sa luxury property kun sa diin ang mga trabahante ang nagatukod sang artificial lake kag baybay.
Magluwas sa multa, ang kaso ang imbestigaran sang iban pa nga environmental control bodies lakip na ang local attorney general’s office, ang state civil police environmental protection office.
Sa subong, wala pa nakahatag sang pahayag ang kampo sang Brazilian football star.
