Gindala sa ospital si Brazilian President Jair Bolsonaro bangud sa pagsakit sang iya nga tyan kag wala untat nga pag-sido.
Suno sa presidential palace, gilayon lang nga nagsakit ang tyan sang presidente kag subong nagapaidalom ini sang tests sa Armed Forces hospital sa Brasilia.
Pahayag naman sang special secretariat for communication, obserbahan pa ang kondisyon ni Bolsonaro sa sulod sang 24 tubtob 48 ka oras.
Masobra isa ka semana na nga na-eksperyensya sang Presidente ang wala untat nga pag-sido nga amo ang nagapabudlay sa iya nga paghambal.
Sa subong, ginatun-an pa sang mga doktor ang pagkakas sang hernia sa tyan ni Bolsonaro.
Nahibaluan nga indi lang ini ang una nga bes nga na-ospital ang presidente sang Brazil bangud sang 2019, gin-operahan man ini agud nga makakas ang colostomy bag matapos siya ginbuno samtang nagapangampanya sa pagkapresidente.
